InstaNewsБасты жаңалықтарКино & ТеатрМузыкаЭксклюзивӘнші
Shakenti мен Say Mo сезімдерін жұрттан не үшін жасырды?
Актер Шәріп Серік пен көпшілікке Say Mo лақап атымен танылған жас әнші Мөлдір Есенбек арасында жақын байланыс бары жайында күні кеше алып-қашпа әңгіме тараған еді. Редакцияға жолданған суреттерден соң Say Mo мен Shakentiдің жұрттан жасырған шынайы сезімі расталғандай, деп хабарлайды Shownews.kz ақпараттық порталының тілшісі.
Әншінің оқырмандарынан келген бұл суреттен аңғарғанымыздай, өнер иелері отбасылық жиында бас қосқан. Ақ дастархан төрінде отырған Shakenti мен Say Moның арасында өздері жасырып жүрген жылы қарым-қатынастың барын көруге болады. Тіпті, Мөлдір, Шәріпті өзінің отбасымен таныстырып үлгергенге ұқсайды.
Say Mo соңғы сұхбаттарының бірінде сүйіктісінің барып айтып, оның танымал адам екенін астарлап жеткізген еді. Шәріп те, әншімен ара-қатынасы туралы тіс жармағанымен, сұхбаттарында Say Moның өнеріне тәнті екенін тілге тиек ететін. Әзірше, қос әртіс те өздерінің жеке өмірлері жайында ресми ақпарат беруге асықпайтын секілді. Болашақта отандық шоу-бизнеске тағы бір жұлдызды жұп қосылса, таң қалмаңыз!
