Басты жаңалықтарЖаңалықтарШоу бизнесЭксклюзив

«Санын жалтыратып, кеудесін салбыратып…» Зейнеп Ахметова жалаңаш жұлдыздарға шүйлікті

Бүгінгі өнер өкілдері сахна мәдениетінен жұрдай. Дәл осылай дабыл қаққан Бауыржан Момышұлының келіні шешінген шоу-бизнес өкілдерін сынға алды, деп хабарлайды Shownews.kz ақпараттық порталы

Сахнадан сән кетті, өнерден мән кетті! Отандық шоу-бизнес өкілдерінің жалаңаштанған образдары Бауыржан Момышұлының келініне жақпай келеді. Зейнеп Ахметова шешінген сылқымдарға талай мәрте ескерту жасаған. Бірақ, құлақ асар жан жоқ!
«Шынын айту керек, сахна мәдениеті баяғыда жоғалды. Мына біздер, белгілі халықтың маңдайына біткен әртістері, әнші апаларымыз, әнші ағаларымыздың өнерін тамашалап тәрбиелендік. Олардың сахна мәдениетін ұстануы деген өте керемет болатын. Ал қазір біздің әншілер, әртістердің қалай болса солай, бей-берекет жүруі көрермен емес, тобыр дайындады», – дейді Зейнеп Ахметова.

Жұлдыздардың бір қатары танымалдылығын артыруда сахнада шешінуді құп көрсе, енді бірі түрлі хайп қадамдарға барады. Десек те, бұл әрекет оңды емес. Сахна мәдениетін сақтамай, ашық-шашық киінген жұлдыздардың жалаңаштануы жұртты да жалықтырғаны байқалады. Жазушының кімдерді меңзегенін анықтау мақсатында Shownews.kz тілшілері арнайы сауалнама жүргізген еді.
«Кәмшат Жолдыбаева әрқашан ашық-шашық киінеді. Мен оны тыңдамаймын!», «Сахнада ашық образбен көп көретініміз Кәмшат Жолдыбаева. Бірақ, көп қарай бермеймін», – дейді қарапайым халық.
«Олар өздерін халықтан жоғары көреді де, қалай шықса да өздері біледі. Санын жалтыратып шыға ма, кеудесін салбыратып шыға ма оларға бәрібір болып кетті. Сахна мәдениетін құртқан осы қазіргі өнер иелерінің өзі», – деді Бауыржан Момышұлының келіні.
«Қысқа көйлек, жабысқан шалбар, мықымдағы белдемше! Кіндігін жалтыратып, кеудесін ашқан сылқымдардың әрекеті аға буынды шаршатты. Шоу-бизнестегі шешінгендерге шара іздеген Зейнеп Ахметова шешімін айтты.
«Алдымен өнер адамдары халықтың алдындағы жауапкершілігі мен сенімін ақтау үшін өздері өзгеруі керек. Шындап келгенде, өнерпаз қауымды аспанға шығаратын да, жерге түсіріп таптайтын да халық. Сондықтан да, жұлдыздар халықпен санаса білуі керек. Қазір олар саналы көрерменнен гөрі ыржақай тобырды шығарып алды. Бұның барлығына әлгі атақты жұлдызы бар, атақсыз жұлдызы бар солардың кінәсі», – деді Зейнеп Ахметова.
Көзі қарақты көрерменнің өткір пікірі мен зиялы қауымның ақылы да айтылды. Ал, нәтиже шығару әртістердің өз еркінде!

Кілтсөздер
Show More

Ұқсас жарияланымдар

Пікір үстеу

Э-пошта мекенжайыңыз жарияланбайды.

Back to top button
Close