«Маңқа» болып кеткен бе, бір сөзін ұқпайсың: Қабатовтың жаңа театры сынға ұшырады

Журналист Гүлзина Бектасова белгілі әзілкеш Тұрсынбек Қабатовтың жаңадан ашылған комедиялық театрын сынап тастады.

Бұл туралы журналист Facebook парақшасында жазды.

«Кеше Астана комедия театры тұсауын кесті. Директоры – Тұрсынбек Қабатов. Комедия театры болғасын, комедия көрейік деп барғанбыз. Майкл Фрейннің әйгілі «Сахна сыртындағы шу» пьесасының желісі бойынша «Театр 180» спектаклін сахналаған екен. Шынымды айтсам, спектакль біткенше, «күлкіден» жарылып кете жаздадым. Ал шын мәнінде, спектакль көруге кеткен уақытымды аядым. Қазіргі жастардың тілі «маңқа» болып кеткен бе, бір сөзін ұқпайсың. Не дауыс жоқ. Құр шабылып жүгіргеннен әртістердің өзі де шаршамай ма екен осы? Ех дейсің…» — деп жазды журналист.