Каримов алған марапат Димашқа неге бұйырмады?

Алишер Каримов, Самал Еслямова, Еркебұлан Дайыров сынды өнер жұлдыздары «ҚР еңбек сіңірген қайраткері» атағын алса, ал Мөлдір Әуелбекова, Айгүл Қосанова сынды әншілер «Құрмет» орденіне ие болды.

Мемлекеттік награда әлемге қазақ елін паш етіп жүрген Димаш Құдайбергеновке неге бұйырмады?

Бұл сұраққа Темірбек Жүргенов атындағы өнер академиясының ректоры Асхат Маемиров 31 арнасындағы «Айта берсін» бағдарламасында жауап берді.

«Димаш былтыр «Дарын» жастар сыйлығын алды. Президенттің стипендиясы бар, соны Бибігүл Төлегенова, Асанәлі Әшімов сияқты үлкен әртістермен қатар президенттің стипендиясына ие болды. Мен ойлаймын бұл да үлкен дәреже. Тұңғыш президенттің елбасы қорының арнайы лауреанты белгісі бар, соған да ие болды. Мен ойлаймын Димаш бір,екі жылда халық күтіп отырған ықыласқа сөзсіз бөленеді», — деп жауап берді Маемиров.