Басты жаңалықтарЖаңалықтарМузыкаПродюсерШоу бизнесШоумен & Тұлға

Нұрболхан: «Мен ол кісіні жақсы көремін, сыйлаймын. Оған қатысты ештеңе жазған жоқпын»

Әзілкеш Нұрболхан Шараповтың танымал тележүргізуші Ләйлә Сұлтанқызына шабылуы сотқа ұласқан еді. Кезекті сот отырысы кеше, яғни 7 қарашада өтті. Қазірге екі тарап та сотқа байланысты қандай да бір ресми пікір білдірген жоқ. Дегенмен, осы оқиғада айыпталушы деп танылған Нұрболхан Шарапов, Ләйлә Сұлтанқызы мен бағдарламаға қатысты жазған жазбаларын парақшасынан өшіріп тастаған.

Тележүргізуші Ләйлә Сұлтанқызының тарапынан жауап берген заңгердің айтуынша, сот процессі біраз уақытқа созылған. Тыңдалым кезінде әзілкеш Шарапов, жазбаларының ешқайсысы ол кісіге қатысты емес екенін айтқан. (Сот процессінде жазылған видеожазбадан):

«Мен Ләйлә Сұлтанқызын ерекше сыйлаймын, құрметтеймін. Әр жазбамды да құрметті Ләйлә Сұлтанқызы деп бастаймын. Мен ол кісіге қатысты ештеңе жазған жоқпын», — дейді.

Осыған дейін атышулы «Өз ойымның» продюсері Жанкелді Таңатбекұлы мен аутсорсинг компания басшысы Қойшыбаев Нариман, Нұрболхан Шараповтың жазбалары мен видеолары 100%  бағдарламадан тыс Сұлтанқызының жеке басына  қарсы айтылғанын дәлелдеген болатын. Және бұл шешім сотта да ескерілген.

Жағдайға байланысты бағдарлама шығатын компанияның басшысы Нариман Қойшыбаевтың айтуынша, «Өз ойым» ешқандай да сыртқы күштің әсерінен жабылмағанын ресми мәлімдеді.

«Кейбір кісілер хабарды біз жаптық дегенін оқып, есеңгіреп қалдық. Бағдарлама менің компанияма тиесілі,  келісім-шарт уақыты жыл басында белгіленеді. Жетінші арнаға да, компанияға да «Неге жабылды?» деген сұрақ бірде бір тараптан қойылмады. Демеушілер болса, әрі қарай жалғастыруымыз әбден мүмкін.  Келіссөздер жүріп жатыр: Сыртымыздан сөйлеп, шешім қабылдап жүргендердікі бос әурешілік», — деп сөзін аяқтады.

«Өз ойым» бағдарламасы толығымен аутсорсинг бағдарлама. Ондағы жүргізушілер де өз еңбекақысына жұмыс істейді».

Ал, Ләйлә Сұлтанқызының өзі болса, қорғаушыларына сенімхат беріп, сотқа қатыспайтынын растады.

«Әркімнің сөзіне сене берудің қажеті жоқ. Барлық нәрсенің өз шегі болу керек. Бұдан да басқа өзекті мәселелер бар. Жаңа жобалар дайындаудамыз, арна ашу жоспарда бар», — деп әңгімесін қысқа қайырды.

Осыдан бірнеше уақыт бұрын біздің арнаға «Амандаспады», — деп берген сұхбат жайлы сұрағымызға:

«Бірінші амандасқан адамның сауабы жайлы жақсы білемін. Бұл оқиға рас болса, жауап қатпайтын қатыгез емеспін. Жуырда ашылатын арнамызға да жұмыссыз қалған Нұрболханды шақырамыз», — деп ағынан жарылды.

Естеріңізге сала кетейік, осыдан біршама уақыт бұрын «жеке басыма қолсұқты» деген айыппен оннан астам «разоблачение» арнаған Нұрболхан Шараповты Ләйлә Сұлтанқызы сотқа берген еді. Соттың толық нәтижесі қазірге беймәлім.

Кілтсөздер
Show More

Ұқсас жарияланымдар

Добавить комментарий

Ваш e-mail не будет опубликован.

Back to top button
Close