Ринат Зайытов төртінші рет әке атанды

Бүгінгі кеш жұлдыздар әлемінде қуанышты жаңалыққа толы болды. Дүлділ айтыскер ақын Ринат Зайытов пен «Асыл» тобының экс-солисті Ғалия Мұратова перзентті болды.

Бүгін есік ашқан сәби Ринаттың төртінші баласы. Осыған дейін бір ұл мен екі қызы бар болатын.

Ал Ғалия тұңғыш перзентін дүниеге әкелді. Ол өткен жылы ғана тұрмысқа шыққан болатын. Той өткен соң көп кешікпей топтан да кетті. Енді сәбилі болған соң, шоу-бизнеске әзір оралуы екіталай.

Осындай керемет қуанышқа кенелген екі жұлдызымызды да порталдың атынан шын жүректен құттықтаймыз! Сәбилеріңіздің бауы берік, ғұмыры ұзақ болсын дейміз!