Тұрсынбек Қабатов композитор болып хит әндер жаза бастады

Белгілі әзілкеш — Тұрсынбек Қабатов жаңа қырынан танылуда. Ол бұған дейін Ғаділбек Жанайға ән жазып берген. Әнші сол әнді орындап талай жанның жүрегін тебірентіп те үлгерген. Бірақ, ән авторы жайлы айтылмаған.

Қабатовтың композиторлығы жайында өнердегі әріптесі Гүлнұр Оразымбетова бар шындықты айтып қойды.

“Тұрсынбек айтқан болатын жаңа ән дайындап жатқанын. “Гүлнұр ол сенің дауысыңа жақсы келеді деп ойлаймын.Енді жақсы сөз жаздыру керек”деді. Мен бұл сөзді үш жыл бұрын естігем. Енді уақыт өте артынан қалмай сұрадым, ән дайын болды. Жас ақын қызға сөзін жаздырдым. Тіпті клип түсіргелі жатырмын. Шығыс стиліндегі керемет туынды боларына сеніп отырмын”,-дейді Гүлнұр Оразымбетова.