Шоу-бизнесте «жұлдыз» атану қиын ба?
“Жұлдыздар жарқырайды” бағдарламасында “Шоу-бизнесте «жұлдыз» атану қиын ба? ” деген тақырып талқыланған болатын. Сол бағдарламадағы талқылауды назарларыңызға мәтін ретінде ұсынбақпыз.
«Таудай талабың болғанша, бармақтай бағың болсын» дәл осы нақыл сөз бүгінгі шоу бизнеске қарата айтылғандай, себебі бүгінде кез келген адам компьютердің көмегімен әп-сәтте жарық жұлдызға айнала алады. Тіпті арнайы білім алып, әуреге түсудің де қажеті шамалы.
Ақбота Керімбекова: Жұлдыз қиын емес, оңай деп есептеймін. «Мс Сайлаубек сияқты әншілер сахнаға шыққан кейін біз сахнада не істеп жүрміз» деген сұрақ туындайды. Шыны керек қандай ән айтатынымызды да білмей қалдық.
Әділ Сламхан: Сымбатты болуың керек, әнің хит болу керек сол кезде ғана танымал бола аласың. Әркім жұлдыз болғысы келеді, бірақ оның маңдайына жазылмаса, бәрі бекер.
Саят Медеуов: Танымал болу, елге сүйкімді болу, елдің сүйкімдісі болу ол біріншіден бақ, ал екіншіден еңбек.
Эстрада жұлдызы болу үшін қалтаңда орта есеппен 40,50 мың доллар болу керек сияқты, бір әннің өзіне ақындар сөз жазу үшін 2000 доллар талап етсе, 1000 долларға сол әнді өңдеуге жұмсалады, киімді тіктіруге 3 мыңнан 7 мың долларға дейін ақша қажет болса, ал бейнебаян түсіруге 10 мыңнан 25 мың доллар аралығында қаржы жұмсалады екен. Осылайша той томалақ пен гастролдік сапарлардан тапқан бар қаржыларын әншілер танымалдыққа жұмсайды. Әні мен сәні шын жарасқан өнер иелері әрқашан ел алдында жарқырап, жайнап көріне берсін тілейміз.
https://youtu.be/SCyHCk6Nhcc
