Айгүл Мүкей баланың аузына түкірген Төреғалиді жақтап шықты

Танымал тележүргізуші Айгүл Мүкей баланың аузына түкірген Төреғалиді жақтап, оны қазақтың дәстүрі деп түсіндірді.

Бұл туралы тележүргізуші Instagram парақшасына жазды.

«Ауызға түкіру бұл — қазақтың бұрыннан келе жатқан дәстүрі. БАҚ өкілдері Төреғалиді тағы да жерден алып, жерге салуда. Ал мен оны қорғағым келеді. Бұл өте жақсы дәстүр, мүмкін кейбір аналар перішетелерінің аузына әжелер түкіріп жатса жақтырмайтын шығар, дегенмен бұл жақсы дәстүр. Өзге әртістер баланың аузына сахнада түкірмейтін шығар, сахнаның өз заңы бар. Бірақ Төреғали ол Төреғали. Ол бұзақылығымен танылғанымен әнді жақсы айтады әрі өзі сондай сымбатты. In-gred Tu Mas Promis әні қазақша шырқалса, сол мен үшін біртүрлі көрінер еді. Сондықтан, Төреғалиді жерден алып, жерге салудың қажеті жоқ», — деп жазды Айгүл Мүкей.

Естеріңізге сала кетейік, Бүлдіршіннің аузына түкіріп, құйрығынан тепкен Төреғали сынға ұшыраған еді.