Сабина Алтынбекова Жапониялық клубқа ауысты
Қазақстандағы ең танымал волейболшы Сабина Алтынбекова жапониялық GSS Sunbeams клубына ауысты, — деп хабарлайды Vesti.kz. Клуб жергілікті чемпионаттың екінші дивизионында өнер көрсетуде.
18 жастағы Қазақ қызы Сабина Алтынбекова Жапонияның GSS Sunbeams клубына тамыз айында ауысты. Сабина жаңа клубымен дайындықты бастап кеткен. GSS Sunbeams клубы мен Сабина Алтынбекова арасындағы келісім шартты жуық арада хабарлайтын болады.
Естеріңізге салсақ Волейболшы Сабина Алтынбекова 2014 жылы Азияда өткен жастар арасындағы волейболшылар жарысында Қытайлардың көздеріне түсіп, Азиялық жанкүйерлер Сабинаның келбеті жапондық аниме кейіпкерлеріне ұқсайды деп тапты. Интернетте Сабина Алтынбекованың көптеген әуесқой, оның ішінде «моэ» стилінде суреттері пайда болған болатын.
Дереккөз: http://vesti.kz