«Дениз» телехикаясындағы Мелих пен Бану ата-ана атанды

Бірнеше жыл бойы Ұлттық арнадан көрсетілген «Дениз» түрік телехикаясы талай көрерменнің жүрегінен орын алып, неше сериалы болса да үзбей көретін жанкүйерлері үшін сүйінші хабар. Қазақстандық көрермендерге осы сериал арқылы танылған телехикая актерлері Бегюм Топчу мен Жантуг Турай   ата-ана атанды. Дениз телехикаясындағы басты рөлдегі қос ғашық Мелих пен Бануды сомдаған актерлер шын өмірде де жұп атанып, 2014 жылы шаңырақ құрған.

Бүгін болса, актер өзінің Instagram парақшасында суретімен бөлісіп, халықтан сүйінші сұрады. «Бүгін біз үш адам болдық. Арамызға қош келдің, қызым!», – деген жазбаны әке атанған Жантуг Турай жариялады.