Төрештің кинодағы әйелі: Қазақстанда қалғым келмейді
Алдыңғы жылы ел назарына ұсынылған «Ұлы дала комедиясын» білмейтін қазақ кем де кем. Аталмыш фильмнің тұсауын кескен сәттен халық арасына кеңінен танылған Төрештің кинодағы әйелі Мадина Оспанова бүгінгі күні танымал актрисалардың қатарында. Оның шығармашылығына сұраныс артып, жаңа жылда жаңа жобаларда төбе көрсетуде. Дегенмен, айтпағымыз бұл емес.
Мадина Оспанова Хит тв арнасына берген сұхбатында Қазақстанда қалғысы келмейтінін тілге тиек етті деп хабарлайды «Жұлдыздар әлемі» порталы.
Актрисаның айтуынша оның қабілеті ел кеңістігімен шектеліп қалмауы керек, шекарадан асса дейді. Еуропа, Түркия, Ресей, өзге елді бағындырсам дейді. Сәттілік! Оған қоса, танымал актриса Қазақстандағы еңбекақының төмен екенін де қозғады. «Кинода ақша көп емес. Гонорарлар да көп бола бермейді. Мақтанып айтатындай емес»,-деп сөзін тәмамдады.
