Ернар Айдар: Мен үшін дұға еткен барша жандарға алғысым шексіз

Осыдан бір ай бұрын әнші Ернар Айдар жол апатына ұшыраған болатын. Жансақтау бөлімінде жатып, туғандары, әріптестері, тыңдармандарының дұғасының арқасында әнші аяққа тұрды. Бұл туралы әншінің өзі инстаграм желісіндегі парақшасында хабарлайды.

«Қымбатты қазақ елі ! Алланың қалауымен араға 1 ай уақыт салып бүгін міне өз күшіммен аяққа тұрып, тәй-тәй басқан жайым бар . Еліміздің медицинасына басымды ием, қысқа мерзімде сауығуға айтулы қадам бастырып отыр.
Сіздердің маған тілеген дұғаларыңыздың қабыл болуы деп білем ! Дегенмен, алдағы уақытта жағдайымды одан да жақсарту мақсатында, көрші Қытай немесе Корея еліне сапарға шықпақ ойым бар. Рақмет сіздерге, менің тілекшілерім» — дейді әнші.